註: 2003年最後一張專輯(路有凍死骨)為有骨氣唱片系列畫上句號.
andy: 咁未來係搞獨立音樂方面會唔會有咩新計劃呢??
探長:
其實心中團火都仲未息嘰!!只不過我到現在都未有一個安定既生活囉!!專心用好多時間去搞獨立音樂,因為今日已經唔係當日年少既我!一來結左婚!!二來今天生活迫人!! 如果今天要我好似當日咁!除非我搵到贊助人啦!又或者我有個有錢既老婆啦!通常D藝術家都係咁樣!! 哈哈!!但係我兩樣都無囉!!
我舊時真係高估左自已既能力!以為我自已既才華可以完全做晒一隻 專輯既制作,其實係唔應該一個人做既!!但係幫手既朋友又唔係依方面既專才喎!如果搵D專業既人做就樣樣都要錢!而自已既能力有限既時候呢!變左比人個期望好高,跌番落黎既時候咪令到其它人好唔開心囉!!
我現在係做影視制作既工作!須然我現在唔能夠全職搞獨立音樂!但係我都唔會停囉!!因為我不停都有做音樂須然只係商業上用,但係可以Keep住自已個腦不停咁唸關於音樂既野!因為對我黎講無左音樂係好可悲既事囉!!
未來黎講呢!我點都會再出唱碟既!但係因為個時世關系!只係出音樂CD 已經唔能夠另大眾注意到香港有這樣的聲音!! 所以將來會把音樂結合影像來表達自已既野!一來比較追上時代,二來係市場上多一個價值.舊時好多藝術家因為媒體限制關系!例如做音樂就只能做音樂!拍電影就只能拍電影!但係依家係無這個限制!!其實現今電腦進步好多野都做得到既!!
講番轉頭最可悲既係!可能香港因為文化關系!真係唔係一個發展獨立音樂既好地方囉!!依樣係好慨歎亦都係好真實!而且感覺係越來越悲觀!!因為現今成個社會風氣都係把小數聲音殺得就殺!!我唔明香港點解會變成咁囉!因為講番十幾年前香港人既思想比依家仲開放!不過我須然唔樂觀!!但係我都會一路繼續做落去既!!!
NOCO RECORDS WEB SITE
