註: 1997年第三張專輯(再有骨氣 plus interactive)
相信係全香港第一隻互動多媒體獨立唱片!!
andy: 咁即係大家唔明白個困難係咩!!
探長:
係90年代尾開始玩多媒體制作,即係話張影像同聲音結合既產品!
因為當時搞唱片係我既事業,所以我當然希望把最新既野放晒係隻唱
碟度!就係正正因為咁樣就預到好多解決唔到既困難! 因為以1996年
既電腦要制作多媒體CD實在唔係咁易!!
另外我亦都有搞過試聽會,試聽會可能賣HiFi既會搞,但係賣唱片既就
應該好少,我地就以一個新面目咁! 好大膽咁係試聽會上比人試聽一D
可能E晒咀既歌!因為一般人未必即時接受到一D非主流既音樂.我覺得
有少數會係好欣賞,但我相信大部份人第一次聽都會覺得想死既 !! XD
其實係咁亦都好正常嘰!!因為香港人聽歌實在太狹窄!大家接觸可能
只係無記D合約歌手,做D最穩陣既歌!咁聽慣左當然接受唔到非主流
既音樂啦!!但係正正係我地依班人,唔係只聽香港主流音樂,總之全世
界唔同類型既音樂我地都會聽!結合於百家先係香港既精神嗎!!須然
當中有人會照抄外國野係好難避免!但係我相信有個化學作用!就係比
佢抄都未必會抄足啦,點都會加D自已既野呱!!香港既野就係咁樣組合
架啦!佢地點都可以做到D代表香港既音樂呱!!
我當時出碟搵歌可以話係零篩撰既!我只係唔接受一D例如講粗口既歌
因為會牽涉到法律問題!我唔想因為咁而令到其它單位有麻煩!
仲有我當時有個偉大發明就係電話試聽喇!把一個電話電訊箱切成十格,咩叫電話電訊箱呢? 我相信現在都無人用架喇!!就係當你屋企有十個成員只須要打佢屋企既電話號碼,按指定成員既號碼(例如按1字係呀媽,按2字係呀哥)咁就可以留言比指定成員,咁我張佢轉化為一個試聽工具!就好似唱片鋪既試聽機一樣!!按0-9可以試聽十首唔同既歌!!當時我相信有好多人聽因為每日都有好多留言!!係未有互聯網既年代不失為一個好辦法!!
[待續]
