註: 1995年首張專輯(有骨氣 - 冇訂企)

集合11個單位13首歌曲的獨立唱片!!

andy:  第一張碟宣傳上有無預到困難??

 探長: 

其實出第一張碟宣傳上真係預到困難!因為乜都未試過!我只係識一兩個
朋友做開寫稿既!當日義務幫我手做封面果位大哥!依家係NowTV做graphic director,NowTV台見到既動畫都係佢監製.制作方面好多謝佢既幫忙,當然我有好多麻煩意見!例如用張X光片,因為叫有骨氣就想利用D骨頭做封面.連做graphic果位大哥個媽咪既 X光片都用埋!當時個過程真係學到好多野!

各個單位既人都好包容,比較無私咁去搞依樣野!!於是第一張唱片順利完成出街,果總心情就好似生左個仔一樣!

其實當時市面上都有幾隻獨立集錦唱片,但係佢地個模式同我地係唔同佢地通常都係一個經理人簽幾隊Band,須然都係自已比錢!但係會有一間公司代表佢地.例如(Sound Factory).須然我地都係公司,但我係無簽約任何單位,開公司只係方便對外,我地只可以算係一個組織,目的係建立個平台比大家發表自已既作品!!我係一個唔識做生意既人!!So Far能夠搞到隻碟又有少少Noise,對我黎講以經算係有D成就架喇 !!!

andy:  之後你又搞過Live 有無D咩趣事呢??

探長:  

可 能我地D舊一代既人,一定要搞過Live先得,先能夠多D人識你!因為依家有好多平台關系!例如互聯網另到今時今日面貌改變.但係當時如果想多人識,只係 出下音樂雜誌稿!可能得一千幾百人睇係唔足夠既!!但係如果走出左舞台,就會使到更加多人接觸到!知道香港完來都有咁既聲音!!

[待續]