有骨氣係乜!當然唔係火鍋店啦!!其實係90年代香港一個獨立音樂唱片系列的名稱

1994年九龍酒店的一個約會! 一班事前唔相識的人!! 速成首張集合11個單位的

獨立音樂唱片(有骨氣),主腦人就係人稱(探長)既音樂人譚達華先生喇!!

andy:      探長,你點解會想到出一張集合唔同類型音樂既集錦唱片呢??

探長:     因為當時我係唱片工廠做事,眼見當時好多香港歌曲都係cover_version

              覺得點解香港有咁多音樂人,但係大部份主流音樂都係cover_version呢! 

              所以有個衝動想搵一班人夾埋出一隻,有唔同類型音樂既獨立集錦唱片! 

              因為我做過電影公司,親口問過好多歌星例如"張學友"點解香港樂壇會係 

              咁樣呢?佢一句就答到我(因為香港D音樂唔掂嗎!咪搵D日本音樂黎cover   

              囉!)因為當時唔知咩原因,點解香港70年代開始咁多音樂人!香港音樂紅片

              東南亞! 點都會有D音樂係代表香港人先係架!!香港音樂點會唔掂??

              佢當時咁講真係好傷我心囉!!
                            
    
              可能我當時真係無能力反博!因為佢地真係靠日本cover_version搵好多錢!

              咁依件事放係個心好多年,直至工作比較清閒,自已就開始試吓玩音樂!! 

              之後開始買器材,以有限既音樂知識作左一系列作品!咁啱有個朋友係拍

              獨立電視電影,佢居然搵我做配樂喎!!我都唔知點解佢會搵我架!

              可能我有做過廣告歌喇!當時就只有幾部電子琴,好大膽咁就學人做音樂,

              搵到錢又更大膽喎!!   

              但係成日只係謂客做D佢地想要既野!點解唔可以做D自已鐘意既野呢!!

              既然有能力點解唔搞獨立音樂,自已作D可以代表香港人既聲音呢!希望

              可以出隻唱片囉!但係我覺得只有我一個風格會比較單一,所以就想搵

              一班志同道合既朋友一齊出隻唱片.有唔同風格例如 電子,搖滾之纇!

              從而另到香港人可以了解到完來香港既音樂都有咁多類型!

              咁百花齊放既!!

          [待續]